මානස විල්තල කළඹන මඳ නල

ඇදී ඇදී... ඇවිදින්.........

හද විල නළවන ආදර ස්වරයක

පහස පතා සක්මන්.........

ජීවන කතර පුරා..... සක්මන්

විල්තෙර රඟදෙන තිසර රැඟුම් දැක

ආලනුරා හැඟුමන්..........

සිත තුල සොඳුරු සිහින මවමින්.... සක්මන්....

සසර පුරා... සක්මන්....

නිරතුරු , සසර පුරා... සක්මන්....

සුරත් තඹුරුමත චුම්ඹන දවටන

බඹර රැඟුම් දකිමින්......

හද විල,  මලක පහස පතමින්... සක්මන්....

සසර පුරා සක්මන්......

මල්හී වදින තුරා සක්මන්....

නීල ඉඳුවර දෙනෙත් අද්දර
ආල සිතුවිළි දඟ කරන සඳ
දෑළ අද්දර පිපි සමන් මල
කෝල මදහස හැන්ගුවේ කිම

කුසුම්පෙති සේ පුබුදුවා සිත
බබර චුම්බන මතින් සැනසෙන
සරතැසක ගිම් නිවාලනු මැන
සඳුන් අරනක සුවය සිහි කර

හිතේ පොපියන පෙම් කතන්දර
ඇසේ මායම් සමඟ මුසු කර
නුඹේ උවනට සිනහ එක් කර
කියනු තොල්පෙති කනට ලංකර

දිවිතුරා පැතු පෙම් හැගුම් රළ
සිත් ඉවුර මත රැඟුම්දෙන කල
නෙත්පියන් මොහොතකට එක්කර
දෙතොල තවරමි නළල් තල මත

බොහොම පිං ආයුබෝං මීගොඩයගෙ අහ ගොඩවැදුනට,,, මතක හිටින්න මොනා හරි කොටලම හියානං තමා හොඳ,,, නැතත් අපනාපයක් නෑ ඕං

නෙත් පුරා සිත් පුරා දැකපු එක හීනයක්.........

සැබෑවිය  මා.... ඔබේ වී එක්වරක්.....

උනුහුමට තුරුලු වී ගෙවූ ඒ එක් රැයත්.....

සත්තකයි සොඳුර මට තාම එය සිහිනයක්.......

තිලිණ ලැබුවෙමි ඔබෙන් හදු වැහි කෝඩයක්......

ගෙනාවා මගෙ මුවට මුතු සිනා මල් මිටක්......

ඇරබුනා වසන්තය දැන් කොහිද තනිකමක්.....

ජීවිතය මට ඉතින් දැන් මිහිරි ගීතයක්.....

පෑයුවා සිත් අහසෙ විලස නුබ පුන් සඳක්....

තනි රකිමි නුඹට මම වෙලා සඳ සාවියක්.....

තුෂාරෙන් තෙමා මා සනසන්න තව වරක්....

ඔබ ගෙනෙන සඳ සිසිල වටී මට මහ මෙරක්..

හිස් අහසෙ ගෑවෙන්න පැතුම් මල් පොදි බැඳන්

දින ගෙවමි හැම  රෑක නුඹ නමින් නිදි මරන්

ඉවසන්න බෑ තනිය තවත් මට මේ තරන්

පැමිනෙන්න මා වෙතට මල් පොකුරකුත් අරන්

බලාගෙන ඉඳිමි මම තරු පොකුරු ගෙන අතින්

ඇවිද යමු අපි එකට දේදුන්නෙ හරි මැදින්

පාකරමු වරාමල් වළාකුළු මත හිදන්

පා දොවමු පිනි දියෙන් හිරු සඳුට අත වනන්

හිඳුවලා මම ඔබව සුරඹ අඟනන් මැදින්

සරසන්න යැයි කියමි කසී රට සලුවලින්

පලඳවා මුතු මාල සොය විත් සාගරෙන්

පිළිගනිමි මගෙ ලොවට සුරඟනාවක් ලෙසින්