කෙසෙල් ගෙඩි වළඳන පාත්තරේ

ඔන්න අදත් කියන්න යන්නේ කථාව ටිකක් විතර නරකද මන්දා.. ඒ හින්දා නරක කථා කියවන්න අකමැති අය මෙතනින එහාට කියවන්න එපා හොඳේ..
පොඩි උන්ට එන්න එපා කියල කියන්නේ නෑ දන්නව එපා කිව්වහම වැල නොකැඩී එනව කියලා

අපේ ඉතිහාසයේ ඉදන් ඔය රහස් පණිවුඩ ක්‍රම තිබුන නෙව.. කවුරුත් දන්නව ඇතිනේ වෑත්තෑවේ හාමුදුරුවො තවත් හාමුදුරු නමකට රාහුළ හාමුදුරුවො අතේ සන්තෝසමක් යවපු කථාව,

නොදන්න අයට මෙන්න ඒ පරණ කථාව

රාහුළ හාමුදුරුවන්ට කථාකරපු වෑත්තෑවෙ හාමුදුරුවො කිරිහට්ටියකුයි, ආනමාලු ඇවරියකුති දීල , කිව්වලු අහවල් පන්සලෙ අහවල් හාමුදුරුවන්ට මේක ගිහින් දෙන්නැයි කියල.. ඒ දෙනගමන් දෙන්නයි කියල ලියුම් කඩදහියකුත් දුන්නලු..

අනේ ඉතින් රාහුල හාමුදුරුවො අර කෙසෙල් ඇවරියයි කිරි හට්ටියයි එල්ලෑන ලියුම් කඩ දහියත් ඉනේ ගහගෙන පයින්ම වඩිනවලු.. දුර ගමනක් නිසා හරිම මහන්සියිලු, ඉරත් මුදුන් වෙලා හින්දා දාඩියත් බේරෙනවා, ඒ මදිවට හොඳටෝම බඩත් ගිනියි. වළඳන්න කියල කිසිම දේකුත් නෑ.. ඉතින් රාහුල හාමුදුරුවො ටිකක් විවෙක අරගෙන අයෙත් යනවයි කියල හිතාගෙන ගහක් මුළ අසුන් ගත්ත.. හප්පේ කිරි හට්ටියෙන් කිරි සුවඳයි.. කෙසෙල් ඇවරියෙන් එන සුවඳයි ඉවසන්නම බෑලු.. කන්නමලු හිත..

රාහුල පොඩි හාමුදුරුවො ඉනේ තියන ලියමන දිග ඇරල කියවල බැලුවලු මොනවද තියෙන්නෙ කියලා.. " පසළොස්වකට පුරහඳ වළඳන්න" කියල ලියුමෙ තියෙනවලු

ටක් ගාල ආනමාළු ඇවරිය ගත්තු රාහුල හාමුදුරුවො ගෙඩි ටික ගනන් කරල බැලුවළු.. හරියටම ගෙඩි පහලවක් තියනවලු.. ලියුමෙ තියන දේ තේරුම් ගන්න හාමුදුරුවන්ට මහ අමාරුවක් උනේ නෑ ඉතින්.. ඉගෙනීමටත් බොහොම දස්සයනෙව

ඉතින් මේ එකක් හරි කෑවොත් හොරේ මාට්ටු වෙනව කියල දැනගත්තු රාහුල හාමුදුරුවො කල්පනා කලාලු මොකද්ද මේකට කරන්නෙ කියල.. එහෙම කල්පනා කරලා එකපාරටම අර කිරි හට්ටියෙන් භාගයක්ම කෑවලු.. කාල කෙසෙල් ඇවරියෙන් ගෙඩි 7කුත් කෑවලු කාල.. ඉන් පස්සෙ අලුතෙන් ලියුමක් ලිව්වලු " අටවකට අඩ සඳ වළඳන්න කියලා"

ඔන්න ඔහොමලු ඒ කථාව,, ඇත්ත බොරුනම් දන්නේ නෑ .. ඔය පොඩිකාලෙ අහපු කථාවක්. වැරැද්දක් තිබ්බොත් හසිත මලය හදන්නෙ නැතෑ

මෙන්න අළුත් කථාව

බොහොම පිටිසර ගමක මනුස්සය මැරිල දරුවෙක් එක්ක තනිවෙච්ච තරුන වයසෙ ගෑනු මනුස්සයෙක් උන්නලු. සෙල්ලම් කරන වයසෙ දරුවෙකුත් එක්ක තනියම ජීවත් වෙච්ච මේ ඇත්තිට තිබ්බ ආර්ථික ප්‍රශ්න අමුතුවෙන් කියන්න ඕනෙ නෑනෙ.. ඒ අසරණ ගෑනු කෙනාට ඉතින් පිහිටට හිටියෙ ගේ කිට්ටුව තිබ්බ පන්සලේ හාමුදුරුවො. උන්නාන්සෙ ඒ ඇත්තිට පුලු පුලුවන් විදියට ඔය පන්සලට දානෙට ලැබෙන හාල් තුනපහ වලින් අධාර කලා, සාංගික දේවල් නිකම්ම ගන්න හොඳ නැති හන්දා මේ ඇත්තිත් තමන්ට පුලුවන් දෙවලින් හාමුදුරුවන්ට පුද පූජා පැවැත්තුව

ඉතින් මේ ගෑනු මනුස්සයගෙ කොලු පැටිය සෙල්ලමට දුවගෙන යන්නෙ පන්සල් වත්තටම තමා.. එක දොහක් හැන්දෑවෙ පොඩ්ඩ සෙල්ලම්කර කර ඉද්දි හාමුදුරුවො කොලුවට ලඟට කථා කරල ඔළුව එහෙම අතගාල ආදරෙන් කියනවා " පුතෙ ගිහින් අම්මට කියාපන් කෙසෙල් ගෙඩි වළඳන පාත්තරෙත් අරන් ඉක්මනට පන්සලට එන්නැයි කියල"

ඉතින් මේ පණිවිඩේත් අරගෙන පොඩි එකා දූවල ගෙදර ගියාලු ගෙදර ගිහින් අම්මට කිව්වලු.. " අම්මෙ අම්මෙ ලොකු සාදු කිව්ව කෙසෙල්ගෙඩි වළඳන පාත්තරෙත් අරන් අම්මට ඉක්මනටැ පන්සලට එන්ටයි කියල "

මේක අහපු අර ගෑනු මනුස්සය අයෙත් පුතාගෙ ඔලුව අතගාල කිව්වලු " මයෙ පුතේ ගිහින් හාමුදුරුවන්ට කියාපන් කෙසෙල් ගෙඩි වළඳන පාත්තරේ පැණි උණු වෙලා හින්දා තව දෙතුන් දොහක් ඉවසල ඉන්ට කියාල " 

ගැලපෙන පොටෝවක් හොයාගන්න බැරි උනා

බොහොම පිං ආයුබෝං මීගොඩයගෙ අහ ගොඩවැදුනට,,, මතක හිටින්න මොනා හරි කොටලම හියානං තමා හොඳ,,, නැතත් අපනාපයක් නෑ ඕං