කපු වැනුම

උදැහැනැක්කෙ ගෙදරට ආ කපු මාමා

කෙල්ලගෙ රූපෙ මේ විදියට මට කීවා

කොන්ඩය කිතුල් රෑනක් මෙනි පයට දිග

දෙනයන නිල් උපුල් කුසුමක දෙපෙති මෙන

නාදළු සදිසි සුන්දර ඇගෙ දෙතොල් යුග

සඳ සිහි වේලු දුටු විට ඈ සුසුදු මුව

සිහින් දිගැති ගෙල හංසයෙකුගේ වැනී

ලැම හස සමකලේ පුන්කුඹු වලට පිරී

සුදු සම දිලෙයි වාත්තු කිරිගරුඬ වැනී

ඉඟ සුඟ මිටින් ගත හැකි ඈ රටක් වටී

ඉඳ හිට මුතු පෙනෙයි හිනහා වෙන විටදී

හඬ මිහිරියිලු කෙවිලියකට නෑ දෙවනී

ඇවිදින ගමන කෙනෙරක මෙන් තේජසිනී

අපෙ පැලැ එළිය කල හැකි ඈ පහනක්ළු මිණී

* * * * *

අසා මෙබස් මගෙ තුන් සිත හිරි වැටුනී

සිත මත ඇගේ රූපය මැවිලා පෙනුනී

මනුසත් කුලේ එකියක්නම් වෙනු නොහැකී

පිට සක්වලින් ආ එකියක් සේ දැනුනී

බොහොම පිං ආයුබෝං මීගොඩයගෙ අහ ගොඩවැදුනට,,, මතක හිටින්න මොනා හරි කොටලම හියානං තමා හොඳ,,, නැතත් අපනාපයක් නෑ ඕං