කලු කුමාරයා කුජීත කිරීම හා මෝහිනීගේ රෙද්ද ගැලවීම ( 18 ++ නොවේ )

මේදවස්වල බ්ලොග් පුරාවට හොල්මන් කථා ... හොඳට නැගලයනවා.. බහින්නෙම නැද්ද මන්දා.. තැටිය රත්වෙච්ච වෙලාවේ මමත් රොටියක් පුච්චගන්නව ඈ... 

මුලින්ම ඉතින් මට තියෙන දේ තමා... තාම හරි හාමන් හොල්මනක් නොදැකපු එක... මොන කරුමෙයක්ද මන්දා අනන්තවත් වෙල්දෙනිවල රබර්වතුවල, කනතු අස්සෙ රෑ ජාමෙත් කරක්ගහපු මට තාම ඔය කියන එකෙක් අහු උනේම නෑ.. සමහරක් විට මාව දැක්කහම හොල්මං හොල්මං වෙලා යනවද දන්නේත් නෑ..

කොහොමිං කොහොම හරි මම දකිනවනං දකින්න කියල ප්‍රර්ථනා කොරන්නේ අර මෝහිනී ගෑනීව හරි ( වනචර කමකට නෙවෙයි බොල ) කළු කුමාරයව හරි ( ආ දැන් කියපල්ල අර වැඩෙත් පටන් ගත්ත කියල ) එහෙම උලව්වකට නෙවෙයි යකුනේ.. මට තියෙනවා උන් දෙන්නගෙන් පොඩි පුරස්න කෑලි දෙකක් විසඳ ගන්න... ඇරත් උන් දෙන්න හෙන ප්‍රසිද්දත් එක්කනේ.. ආයේ මොකටද ඔය ලපයි සිපයි එක්ක ඔට්ටු වෙන්නෙ
ලේඩීස් ෆස්ට් උනාට මම මේකෙ මුල් තැන දෙනව කළුවට මෝහිනී ඇදල දානව දෙකට.. උන් යක්කුනෙ උන්ට ඔය ලේඩිස් ෆස්ට් කථා අදාල නෑ.. කොහොමත් මම හිතන්නේ මෝහිනී ගෑනී (ලමයෙකුත් ඉන්නවනේ කෙල්ල කියන්න බෑ ) අපෙ සමහරක් යක්ෂනියො තරම් නපුරු නෑ

                   
ඉතින් කථාවට එන්න ඉස්සෙල්ලා කළු ගැන පැහැදිලි කිරීමක් කරන්න වෙනවා.. මොකද මෝහිනී ගැන දන්න අය හිටියට කළුවගෙ පට්ටන්තරේ දන්න අය අඩුයි ... කළු යකා, ඔඩ්ඩි මස්සිනා කියල අපි කියන්නේ ඔය හාදයටම තමා... ඔය තරුණ ගැන්නු ළමයින්ට බැල්ම දාලා ඒ ඇත්තියන්ට මහා නරක නපුරු දේවල් කරනවා කියනවනේ.. මං දන්නේ නෑ ඕං අඩවි රජා තමා කියල තිබ්බේ... http://harshana-bc.blogspot.com/2012/05/blog-post_22.htmlමෙන්න මෙතනට ගිහාම බලාගත හැකි... ඉතින් එහෙම බැලුවහම මූ හෙන වැඩ කාරයා... ඇයි හත්දෙය්යනේ මෙච්චර සුදුවට පෙනුමට ඉන්න අපි කෑල්ලක් දාගන්න විඳින කට්ට දන්නේ අපිනේ.. මූ කළුවට කලුවෙ ඉඳගෙන කෑලි ගොඩ දානවලු... ඒ ඔක්කොම දන්න කථවා ඈ

නොදන්න කොටස තමා කළු කුමාරය කියන්නේ වෙසමුණිය යටතේ ඉන්න තවත් එක යකෙක්.. ඔය වෙසමුණිය කියන්නේ යක්ෂ ලෝකෙ නායකය කියනවනේ. ඉතින් ඔය වෙසමුණි යක් රජ තුමා කළු කුමාරයට දීපු වරම තමයි.. තරුණ ගැනු ළමයි ලෙඩ කරල ඒකෙන් ලැබෙන දොල පිදේනියක් කාල ජීවිතේ ගැට ගහ ගන්න එක.. දැන් බලගෙන ගිහාම මූ මේව කරන්නේ බඩ ගෝස්තරේ රැක ගන්න... මරු රස්සාව නේද බොලං ලා

හැබැයි ඉතින් කළු කුමාරය කියන්නෙත් කසාදයක් එහෙම බැඳගෙන සාර්ථක පවුල් ජීවිතයක් ගතකරන යකෙක්.. මේ කළු කුමාරයගේ හාමිනේගෙ නම රිද්දි බිසව්ලු ඈ.. රිද්දි බිසව්ට දූවරු  හත් දෙනෙක් ඉන්නවලු.. වැඩේ කියන්නේ ඒ හත් දෙනාම කළුවගෙ නෙවෙයි.. මහා බ්‍රහ්මයගෙ.. ( මාරයි නේ )

ඒක වෙලා තියෙන්නේ මෙහෙමයි.. ඔය රිද්දි බිසව් කලින් විවාහ වෙලා තියෙන්න මහා බ්‍රහ්මයත් එක්ක .. එ විවාහයේදි තමයි අර ගෑණු දරුවො ඉපදිලා තියෙන්නේ.. ඊට පස්සෙ කාලෙකදි ( යක් ලෝක වල දෙව් ලෝක වල කාලය හරි දිගයි ඈ ) මහා බ්‍රහ්මයා රිද්දි බිසව්ව අයින් කරල තියනව .. ඒ කියන්නේ දික් කසාද කරල තියනවා ... එහෙම තනිවෙලා ඇවිදගෙන යන රිද්දි බිසව්ගෙ රූපස්‍රීයට වසී වෙලා තමයි කළු කුමාරය රිද්දි බිසව්ත කරගහල තියෙන්නේ..

දැන් වැටහුනානේ කථාව.. 
මට කළුවගෙන් අහන්න තියෙන ප්‍රෂ්න එකයි වැඩිය නෑ .. 
උබ ඔච්චර වැඩ කාරයනම් මොන උලව්වකටද යකෝ... අර ළමයි හත් දෙනෙක් ඉන්න... අනුන්ගේ   ගෑනියෙක් කර ගැහුවෙ .............

ඔන්න කළු කුමාරය කුජීත කලා.. 

  
දැන් මෝහිනී

මෝහිනී ගැන කස්ටියම දන්නවනේ... විස්තර නෑ.. කවුරු කවුරුත් වගේ මාත් දන්නේ මොහිනී ළමයෙකුත් වඩාගෙන රෙද්දත් කඩාගෙන ඇවිත් අනේ මේ ළමය වඩා ගන්න මට රෙද්ද ඇඳගන්න කියනව කියන ටික තමා.. ආ මෝහිනී බටනලා වාදනයට ප්‍රියයි ළු... ඒවයින් අපිට වැඩක් නෑ... කොහෙවත් ඉන්න යක්ෂ්නියන්ට නටන්න බටනලා ගහන්න මට පිස්සුවක් ඇතෑ
                                     
                                

දැන් මට මෝහිනී මුලිච්චි උනොත් අපෙ දෙබස මෙහෙම වෙයි..

මෝහිනී : අය්යේ මේ ළමය ගන්නවද රෙද්ද පොඩ්ඩක් කැඩුන ඒක ඇඳගන්න ඕනේ...

මී ගොඩයා : ආ මේ මෝහිනී නන්ගිනේ.. නගා රෙද්ද පස්සෙ ඇඳ ගනින්  
                    මට උබගෙන් අහන්න  දෙයක්  තියනවා..
මෝහිනී : අර මොකෑ බං මීගොඩයා අය්යා ( යකෝ මේකි මගෙ නමත්
                දැනගෙන )
මී ගොඩයා : මට ඇත්ත කියපං උබේ ඔය ළමය යක් පැටියෙක්ද .. මිනිස්
                    පැටියෙක්ද ?
මෝහිනී : යක් පැටියෙක් අය්යා

මී ගොඩයා : අනේ පලයන් යන්න මට බොරු නොකියා ඕකා මිනිස් 
                   පැටියෙක්..
( ඔන්න දැන් මෝහීඑට මල පැනලා එක අතකින් ළමය වඩාගෙන අනිත් අතින් අර කැඩිච්ච රෙද්දත් උස්සගෙන මත් එක්ක ගේම ඉල්ලන්න එන්නේ )

මෝහිනී : උබ කොහොමද මිනිහෝ එහෙම කියන්නේ.......  %%$&$     ( ඉතුරු ටික ලියන්න බෑ.. යකෙක්  උනත් ගෑනියෙක්නෙ .. දන්නවනේ කටවල්වල හැටි ) 

මී ගොඩයා : හා හා කලබල වෙන්න කාරි නෑ.. උබ ඉතින් යන තරමක්
                   රෙද්ද කඩාගෙන යන්නේ අපේ උන් ( මිනිස්සු ) ගාවටනේ .ඒකයි මං හිතුවෙ ඕක අපේ එකෙක් කියලා ...
                 
කොහොමද මීගොදයගෙ ප්‍රෂ්න ටික.. මේක අහපු ගමන් මෝහිනීට ආයේ ගලවන්න රෙද්දක් ඉතුරු වෙන්නේ නෑ ...

හෝව් හෝව් පොඩි දෙයක් අමතක උනා .... චුට්ටං පණිවුදයක් තියනවා.... මම බ්ලොග් එකේ නම වෙනස් කලා... ඇයි දෙය්යනේ කවි ලන්ද කියල නම දාගෙන මෙහෙම කතන්දර ලියන එක හරිද මං අහන්නේ.. ඒක හින්දා.. ඔන්න මීගොඩය ඔයාල ගාවට එන්නේ පරසතු උයන කියන නමින්.. ඔන්න අමතක කරනව එහෙම නෙවෙයි පරසතු උයන  කියන්නෙ කවි ලන්දේ අළුත් නම හොඳේ

බොහොම පිං ආයුබෝං මීගොඩයගෙ අහ ගොඩවැදුනට,,, මතක හිටින්න මොනා හරි කොටලම හියානං තමා හොඳ,,, නැතත් අපනාපයක් නෑ ඕං