බඹසර පූජා... අවසාන කොටස

පළවෙනි කොටසට මෙතනින් 
දෙවෙනි කොටසට මෙතනින් 
 තුන්වෙනි කොටසට මෙතනින්
නිර්මලාගේ නිවසින්  පිටත් වූ ඉන්ස්පෙක්ටර් සමරසිංහ විසින් ගුණපාලව නැවත කැඳවන ලදී, ගුණපාල දෙස තියුණු බැල්මක් හෙලූ ඉන්ස්පෙක්ටර් වරයා "ඇත්ත කියපන් මිනිහෝ උබ කොහොමද සඳලිව මැරුවේ" යැයි ගුලේය්

අනේ බුදු මහත්තයෝ මම ඒ නෝනව මැරුවෙ නෑ.. මගේ දරුවො දෙන්න පල්ලා

වහා ඉදිරියට පැන ගුණපාලගේ කමිසයෙන් අල්ලා එසවූ පොලිස් නිලධාරියා දනහිසෙන් ගුණපාලගේ බඩට පහර දෙමින් උඹට නෙවෙයිද පරයෝ සඳලි නෝනගේ මාලේ උගස්තිබ්බේ යැයි ගුගුලේය

අනේ බුදු මහත්තයෝ... ගහන්න එපා බුදු මහත්තයෝ... මම ඇත්ත කියන්නම් මට ගහන්න එපා මහත්තයෝ යැයි ගුණපාල මහ හඬින් විලාපදෙන්නට විය

ගුණපාලව නැවතත් පුටුවට තල්ලු කර දැමූ ඉන්ස්පෙච්ටර් වරයා කලිසම් සාක්කුවට අත දමා ලේන්සුවක් ගෙන නළල පිසදාමින් ගුණපාලදෙස බලා සිටියේය

ගුණපාල බිය මුසු සිහින් ස්වරයකින් ගොත ගසමින් කථාකරන්නට විය.. 

මම ඉස්කෝලෙ නෝනලගෙ ගෙදර යද්දි නෝනා නාගෙන ඇවිත් රෙදි වන වන උන්නේ, ඉන් පස්සෙ නෝනා මට නාන කාමරය පෙන්නල ආපහු ගියා, මම ටැප් එක හදන්න පහත් වෙනකොටම දැක්ක සින්ක් එක උඩ රත්තරන් මාලයක් තියනවා, මට ගෙදර සල්ලි උවමනාවක් තිබ්බ මහත්තයෝ, ඒ හිනදමයි මාල අරන් ඉනේ ගහගත්තේ, මම ඉක්මනින් ටැප් එක හදල ගෙදර ආව මහත්තයෝ , මම නෝනව මැරුවෙ නෑ, මම එද්දි නෝන මට රුපියල් තුන් සීයකුත් දුන්න

එවලෙම ටවුමට ගිහින් මාලෙ උගස් තියල මම ගෙදර ගියා මහත්තයෝ, රාත්තිරියෙ තමයි ආරංචි උනේ ඉස්ස්කෝලෙ නෝනාව ගේ ඇතුලෙ මරා දාල කියල, ඒක ඇහුවහම මගේ පපුවෙ ගින්දර පත්තු උනා මහත්තයෝ, මම දැනගත්ත මේකට මාව අහුවෙනව කියල, ඒකයි සිරා අරක්කු විකුණන තැනට ගිහින් අරක්කු බෝතලයක් අරගෙන ඇවිත් එක බීගෙන බීගෙන ගියේ

ඒ සමගම කාමරයට ඇතුළුවූ කොස්තාපල් වරයෙකු සඳලිගේ මරණයට අදාල සියළුම වාර්ථා ලැබුණු බව ඉන්ස්පෙක්ටර් වරයාට දැන්වීය,. ගුණපාලව නැවත කූඩුවට දැමීමට අනකල ඉන්ස්පෙක්ටර් වරයා කාමරයෙන් ඉවත් විය

පරීක්ෂන වාර්ථාව කියවා අවසන තවත් නිලධාරීන් තිදෙනෙකුත් සමග පිටත් වූ පොලිස් පරීක්ෂකවරයා විසින් සේනකව අත් අඩංගුවට ගන්නා විට අවමංගල කටයුතුද අවසන් වී තිබින

නීතිය දන්නා හමුධා නිලධාරියෙකු වූ සේනක නිහඬව ජීප් රථයේ අසුන් ගත් අතර නිර්මලා මහත් සේ කළබල විය.. මිසිස් ගුනසේකර කලබල නොකර හෙමිහිට පොලිසියට එන්න අපිට මහත්තයගෙන් තොරතුරු ටිකක් ගන්න තියනවා යැයි පවසා නිර්මලා සන්සුන් කල පොලිස් පරීක්ෂක වරයා ඇතුළු පිරිස පිටත් විය

 සේනකගේන් ප්‍රෂ්න කිරීම් දිගටම කරගෙන යන අතර පොලිසියට පැමිණි නිර්මලාට පරීක්ෂන වාර්ථාවේ විස්තර දැනගන්නට ලැබින.

පොඩ්ඩී මිය යාමට පෙර කිසිවෙකු සමග සුළුවෙලාවක් පොරකා ඇති බව ඇගේ නිය අතර රැඳී තිබු හම් සහ සියුම් මස් කැබැලි හේතුවෙන් නිගමනය කර තිබුණි, පසුව සැක කටයුතු පුද්ගලයන්ගේ ඩී එන් ඒ සාම්පල සමග සසඳන ලදී. මේ අනුව ගුනපාලගේ ඩී එන් ඒ සාම්පල පොලිස් නිලධාරීන් ලබා දුන් අතර හමුධා නිලධරියෙකු නිසා සේනකගේ දත්ත ඔහුගේ ලිපිගොනුවෙන් ලබාහත හැකිවිය.. අවසාන වාර්ථාවට අනුව පොඩ්ඩීගේ නිය අතර රැඳි රුධිර හා මස් කොටස් සේනකගේ බව තහවුරු වී තිබින

සේනකගේ පාපෝච්චාරනය 

නිර්මලායි මමයි බැඳලා අවුරුදු 6ක් වෙනවා ඉන්ස්පෙක්ටර්.. අපිට සාර්ථක පවුල් ජීවිතයක් තිබ්බෙ නෑ.. මාව කසාද බඳින්න කලින් නිර්මලා අනාථ වුනු කෙනෙක්.. ඒත් නිර්මාලාගෙ සල්ලියි, උගත්කමයි හින්දා මම නිර්මලාව බඳින්න තීරනය කලා. අනාථ වෙච්ච ගෑනියෙක් ගෙදරට ගේනවට අපේ ගෙදරින් තදින්ම විරුද්ධ වෙච්ච හින්දා අපිට වෙනම ගේක පදින්චි වෙන්න උනා

ඇත්තටම මම නිර්මලාට ආදරේ කලේ නෑ, අපිදෙන්න අතර අඹු සැමි සම්බන්ධකම් ඇති උනේ බැඳපු මුල් දවස් වල විතරය්.

ඒත් නිර්මලාගේ ගෙදර හැමෝම මට දෙවියෙකුට වගේ සැලකුවා. අනාථ වෙලා හිටිය නිර්මලාව භාර ගත්ත නිසා මට හුඟාක් ගරුකලා

 නිර්මලාගේ පව්ලෙ අයට පේන්න අපි සතුටින් ඉන්නව වගේ පෙන්නුවා.. ඒත් අපි හැම්දාම වගේ රණ්ඩු උනා.. මට නිර්මලාව පෙනුනේ මගෙ අම්ම තාත්තව මගෙන් ඈත්කරපු මහම මහ කාලකන්නි ගෑනියෙක් විදියට. ඒක හුඟක්ම තදින්ම දැනුනේ විවාහය කිට්ටුව මට  ලැබෙන්න නිර්දේෂ වෙච්ච උසස්වීම විවාහ වෙලා සති දෙකක් යද්දි අවලන්ගු වුනාම.. මම නිර්මලාට නිතරම බැන්න.. උබ කලින් අනාත වෙච්ච ගෑනියෙක් උබ හින්දා මගේ ජීවිතේ විනාෂ උනා කියල. ඒත් දෙමව් පියන්ගේ සතුට වෙනුවෙන් එයා මේ සේරම ඉවසන්න ඇති

ඔය අතර් තමයි පොඩ්ඩි ගුරුපත් වීමක් ලැබිලා අපේ ගෙදර නැවතුනේ.. ඇත්තටම පොඩ්ඩි මට එයාගෙම අය්යකුට වගේ සැලකුවා.. මමත් එහෙමයි

ඒත් එකදවසක් මට මාව පාලනය කරගන්න බැරිඋනා.. හරියටම මම ගියපාර නිවාඩු ආපු වතාවේ අන්තිම සෙනසුරාද. මම එදා පොඩ්දිව මගෙ ලඟට ඇදල ගත්ත.. පොඩ්ඩි මුකුත්ම කිව්වෙ නෑ ඔහේ හිටියා.. මට ඒවෙලාවෙ හරි වැරදි තේරුනේ නෑ.. ඒත් අන්තිමට මට පොඩ්ඩි ගැන මහා දුකක් ඇතිඋනා.. ඒ එක්කම මං ගැන මහා තරහක්.. මම පොඩ්ඩී දිහා බලද්දී එයා ඇඳේ තිබ්බ ලේ පැල්ලම් දිහා කඳුලු පුරවගෙන බලාගෙන හිටියා.. මම මට සමාවෙයන් පොඩ්දියෙ කියලා පොඩ්දිව තුරුල් කරගන්න හදනොකොට පොඩ්දී මහ අමුතු විදියට හිනා උනා

ඒක මහම මහ සමච්චල් හිනාවක්.. මට හිතාගන්න බැරි උනා ඇයි පොඩ්ඩි එහෙම හිනා උනේ කියලා, මම පොඩ්ඩි දිහා බ්ලාගෙන හිටියා.

දැන් තමුසෙට සන්තෝසද? දැන් තමුසෙට සන්තෝසද?..

තමුසෙ මෙච්චර කාලයක් මගෙ අක්කට අපහස කලේ තමුසෙට මෙන්න මේ කුණු ලේ පැල්ලම දෙන්න මගේ අක්කට බැරි වෙච්චහින්දනේ.. දැන් තමුසෙට ඒක හම්බ උනානේ දැන් සන්තෝසද

මින් පස්සේ මගෙ අක්කත අපහස කරන්න එපා, දැන් තමුසෙගෙ ආසාව හරිනේ

එහෙම කියල පොඩ්ඩි අඬන්න ගත්ත. මම පොඩ්ඩිගෙ ලඟට යද්දි මන්දිහා රවල බලපු පොඩ්ඩි අයේ මගේ ඇඟට අතතිබ්බොත් බලාගෙනයි කියල තර්ජනය කරල කාමරෙන් එලියට ගියා.. මට මුකුත් හිතාගන්න බැරුව හිටියේ..කලින් දවස් කිහිපයේම රෑ මම නිර්මලාත බනිනාව පොඩ්ඩි අහගෙන ඉඳලා තියනවා කියල මට හිතුනා

ඒත් පොඩ්ඩි කාටවත් මුකුත් කියල තිබ්බෙ නෑ.. මම නිවාඩු ඉවරවෙලා පරන්තන් ගියා.. එහෙදි මට පොඩ්ඩිව නිතරම මතක් උනා.. ඒ දවස මට නිතරම මතක් වෙන්න ගත්ත.. නිර්මලාගෙන් නොලැබිච්ච අමුතු මිහිරක් මම පොඩ්ඩිගෙන් වින්දා..ඒ මිහිර ඉල්ලල මගේ හිත නිතරම කෑගැහුවා

මේපාර නිවාඩු එමින් ඉද්දි නිර්මලා මට කථාකරල කිව්ව එයා ඔෆිස් ඉවර වෙලා ෂොපින් යනවා කියලා.. මම ගෙදර එද්දි පොඩ්ඩි විතරයි හිටියේ.. වෙලාව 6.30ට විතර ඇති .. යන්තම් කරුවලත් වෙලා තිබ්බෙ පොඩ්ඩි දැක්කහම මට අයේත් මාව පාලනය කරගන්න බැරි උනා. කුස්සිය සින්ක් එක ගාව හිටිය පොඩ්ඩිව මම පිටිපස්සෙන් ගිහින් බදාගත්ත.. ඒත් පොඩ්ඩි එදාවගේ හිටියෙ නෑ.. මට ගහන්න දඟලන්න පටන් ගත්ත ඒත් මම පොඩ්ඩිව අත අරියෙ නෑ.. පොඩ්ඩි මගෙ අත හීරුව.. කෙනිත්තුවා.. මම පොඩ්ඩිව මගේ පැත්තට හරවන්න හදද්දි එයා මට මහ හය්යෙන් කම්බුල පාරක් ගැහුව.. මම පොඩ්ඩිව තල්ලුකලා .. මම හිතුවෙ නැති විදියට පොඩ්ඩි වීසිවෙලා ගිහින් නානකාමරේ උළුවස්සෙ ඔලුව වැදුනා.. එහෙම්මම බිම වැටුනු පොඩ්ඩි ටිකක් වෙලා දැඟලුවා.. පස්සෙ හෙල්ලෙන්නෙ නැතුව ගියා..

මගෙ අතින් මිනිස්සු ඕන තරම් මැරිල ඇති .. ඒත් එදා මම  හොඳටම භය උනා.. විනාඩි පහලොවක් විතර මම එහෙම්මම ඉන්න ඇති.. මම පොඩ්ඩිගෙ අත අල්ලල බැලුවා ඒ වෙනකොටත් පොඩ්ඩි මැරිලා හිටියේ ..

මම ගෙනාපු හැමදේම අරගෙන කාටවත් නොපෙනි ඉක්මනට එතනින අයින් උනා. මම දැනගත්ත මේකෙන් මට ගැලවීමක් නෑ කියලා.. මම පොලිසියට ඇවිත් භාර වෙන්න හදද්දි තමයි දැනගත්තේ මේ සිද්ධියට ගුණපාලව සැක කරනව කියලා.. ඉතින් මම මොකුත් නොදන්න විදියට ඉන්න තීරණය කලා..

නිමි.........

නීතිමය පසුබිම නොදන්න හින්දා හුගක් අඩුපාඩු ඇති.. එව්වට සමාවෙන්න ඈ... මේ ඉතින් පළවෙනි එකනේ

බොහොම පිං ආයුබෝං මීගොඩයගෙ අහ ගොඩවැදුනට,,, මතක හිටින්න මොනා හරි කොටලම හියානං තමා හොඳ,,, නැතත් අපනාපයක් නෑ ඕං