බඹසර පූජා 3

 අද කථාවෙනම් ටිකක් විතර වැඩිහිටියන්ට පමණයි සිද්දි ටිකක් තියනවා.. අකමැති කට්ටිය ඉන්නවනම දැම්මම සමාවෙලා නොකියව ඉන්න ඈ 

 පලමු කොටසට මෙතනින්

දෙවෙනි කොටසට මෙතනින් 

සේනකගෙන් ලත් දුරකථන ඇමතුමට පිළිතුරු දුන් නිර්මලා සිද්දිය විස්තර කොට ඉක්මනින් නිවසට එනලෙස දැන්වීය.. බස් රථය මගහැරුණු නිසා අද පැමිනීමට නොහැකි වූ බවත්.. ඉක්මනින් නිවසට පැමිනෙන බවත් පැවසූ සේනක දුරකථනය විසන්දි කලේය..

ගුණපාල බාස් උන්නැහේගේ නිවසට ඇතුලු වූ පොලිස් නිලධාරීන් ගුණපාල අත් අඩන්ගුවට ගන්නාවිට ඔහු අසීමිතව බීමත්ව සිටි අතර පොලිස් ප්‍රෂ්න වලට උත්තර දීමට හැකි තත්වයක නොසිටියේය.. ගුණපාල එලෙසම ජීප් රියට නන්වාගත් පොලිස් නිලදාරීන් නික්ම ගිය අතර තවත් පොලිස් නිලධාරීන් දෙදෙනෙකුට ගුණපාලගේ නිවස සෝදිසිකිරීමට නියෝග ලැබිනු නමු ඔව්න්ට කිසිදු වැදගත් සාක්ෂියක් සොයාගත නොහැකිවිය

පසුදින නිවසට පැමිණි සේනක පොඩ්ඩීගෙ හදිසි වියෝවෙන් මහත් සේ කම්පාවී සිටිබවක් පෙනෙන්නට විය.. ඔහු නිතරම නිර්මලා අසලට වී නිර්මලාගේ හිත හැදීමට උත්සාහ කලේය.

මේ අතර පොලිස් භාරයේ සිටි ගුණපාල බාස් උන්නැහේගෙන් ප්‍රෂ්න කිරීම් ඇරබුනි. පොලිස් නිලදාරියා කාමරයට ඇතුල්වත්ම ගුණපාල ඔහුට අත් එකතු කර වඳිමින් දොඩවන්නත පටන් ගත්තේය

අනේ බුදු මහත්තයෝ මම ඉස්කෝලෙ නෝනව මැරුවෙ නෑ මහත්තයෝ.. මගෙ දරුවො දෙන්න පල්ලා.. ඒ නෝන මගෙ ලොකු කෙලීගෙ වයසෙ.. මම ඒ නෝනව මැරුවෙ නෑ මහත්තයෝ

හරි හරි අපි කිව්වද තමුසෙ මැරුව කියලා.. කලබල නොවී මං අහන එව්වට උත්තර දෙනවා..ඇත්ත කිව්වොත් තමුසෙට යන්න පුලුවන්

තමුසෙ අද සඳලි නෝනලගෙ ටැප් එක හදන්න ගියාද?

ඔව් මහත්තයෝ

කීයටද ගියේ?

දවල් 2.30ට විතර මහත්තයෝ

කව්ද ගෙදර හිටියේ?

සඳලි නෝන විතරයි හිටියේ

නෝනා මොනවද කර කර හිටියේ?

මම යද්දි නෝනා නාල ඉවර වෙලා වැලේ රෙදිවගයක් වන වන උන්නේ

ඊට පස්සෙ මොකද උනේ?

නෝනා මට ටැප් එක පෙන්නුවා. මම ඒක හදල දීල ආවා.. බොහොම පොඩි ලීක් එකක් විතරයි තිබ්බෙ..

නෝන තමුසෙට සල්ලි දුන්නද?

ඔව් මහත්තයෝ.. රුපියල් තුන්සීයක් දුන්න

වෙන මොකුත් උනේ නැද්ද?

නෑ මහත්තයෝ

තමුන් කීයතද ගෙදරින් පිටත් උනේ?

හවස තුන පහුවෙලා වැඩිවෙලාවක් නැතුව ඇති මහත්තයෝ

එතකොට කෝ නෝනගෙ කරේ තිබ්බ රත්තරං මාලේ?

අනේ මං දන්නේ නෑ මහත්තයෝ

ඒ කියන්නේ තමුසෙ මාලෙ හොරකම් කලේ නෑ?
දෙය්යම්පා නෑ මහත්තයෝ

කොස්තාපල් දානව මේ මිනිහව කූඩුවට.. අපිට පරීක්ෂන වාර්ථාව එනකන් ඉන්න වෙයි වගේ..

**********

දින දෙකකට පසු පොඩ්ඩිගේ දේහය ඥාතීන්ට බාර දෙන ලදී.. දේහය නිවසට ගෙන එද්දී පොඩ්ඩිගේ මව පියා නිර්මලා මහ හඩින් විලාප දුන්හ.. ඒ අතර සේනකගේ නෙත් අගින්ද කඳුළු කඩාහැලෙනු දකින්නට ලැබින.. පොඩ්ඩිගේ පැහැපත් මුහුණ වෙනදාට වඩා සුදුමැලි බවක් සේනකට දැනුනි.. ඒ සමග ඔහුට පසුගිය නිවාඩු දිනය සිහිපත් වෙන්නට විය.

ඒ සෙනසුරාදා දිනයක් විය. නිර්මලා රාජකාරි සඳහා පිටත් වී සිටි අතර සේනක අවදිවන විට ටිකක් දහවල් විය

සේනක මුහුණ සෝදා විත් සාලයේ ඉඳගත් විට පොඩ්ඩී දුන් දමන තේ කෝප්පයක් ඔහුට පිළිගැන්වීය.. තේකෝප්පය දී යන පොඩ්ඩි දෙස බැලූ සේනකට වෙනද නොඩුටු සුන්දරත්වයක් පෙනෙන්නට විය.. පොඩ්දී ඇවිදින විට ගැස්සෙන නිතඹ නිර්මලාට වඩා බෙහෙවින් පුළුල්ය ඉඟ සිහින්ය. එකවරම සේනකට පොඩ්ඩීගෙ මුහුන බැලෙමට සිත් විය

පොඩ්ඩී.. මේකට සීනි මදිනේ හලෝ... සේනක නෝක්කඩු සරින් පැවසුවේය

ආ හැඳි තුනක්ම දාලත් මෙයාට මදිද..  කෝ දෙන්න තව හැන්දක් දාල ගෙනත් දෙන්න යැයි කියමින් පොඩ්ඩී නැවත සේනක වෙත පැමිනියාය.

පොඩ්දිගේ මුහුණ දුටු සේනකට ඇය උදෑසන පිපුණු මලක් මෙන් ලස්සනයි සිතුණි.. කාන්තිමත් දෙනෙත.. ලිප්ස්ටික් නොගෑ දෙතොල..සැබවින්ම සුන්දර විය..

අනතුරුව සේනකගේ දෑස් නැවතුනේ පොඩ්ඩීගේ ළමැදෙහිය.. පොඩ්ඩී ඇවිදෙන තාලයට ළැම ගැස්සෙන්නට විය.. තව දුරටත් පොඩ්දී දෙස බැලීමට නොහැකි වූ සේනක බිම බලාගෙනම තේකෝප්පය ඈවෙත පෑවේය

 පොඩ්ඩී තේ කෝප්පය රැගෙන කුස්සියට ගිය විට පුටුවෙන් නැගිට සරම සකසා හත් සේනක කාමරයට ගියේය.. තේ කෝප්පය්ත් රැගත් පොඩ්ඩීද සේනක සොයා කාමරයට ගියාය

කාමරයේ මේසය අසල වාඩි වී සිටි සේනක අසලින් තේ කෝප්පය තැබූ පොඩ්ඩී යන්නට හැදුවත් සේනකගෙන් ඊට ඉඩක් නොවීය.. ඔහු වහා පැන පොඩ්ඩීගේ අතින් අල්ලා ගත්තේය..පොඩ්ඩී ගල් ගැසී බලා හිටියා මිස කිසිත් කොකීවාය.. සේනකගේ දෙතොල් පොඩ්ඩිගේ නලල දෙකන් දෙකොපුල් හරහා දෙතොලෙහි නතර විය.. පොඩ්ඩීගෙන් කිසිදු සහයක් පල නොවූ අතර ඇය හැගීම් විරහිත පිළිමයක් සේ ඔහේ සිටියාය..

අවසන ඇයව සිය නිදන ඇඳමත ඇද දැමූ සේනක උමතු ඌවෙකු සේ ඇයව සිපගන්නට විය..

පැයකට පමණ පසු ඇදෙන් නැගිට සිටි සේනක පොඩ්ඩී දෙස බලා මට සමාවෙයන් පොඩ්ඩියේ කීවේය..

සිය අතෙහි රැඳි නිර්මලාගේ දුරකතනය නාද වූ නිසා සේනකගේ සිතුවිලි දැහැන බිඳීණි.

හේලෝ..

හෙලෝ,, මිසිස් ගුණසේකරට කථා කරන්න පුළුවන්ද

කව්ද කථාකරන්නේ

මම කුරුණෑගල පොලිසියෙ ඉන්ස්පෙක්ටර් සමරසිංහ

ආ ඉන්ස්පෙක්ටර් වයිෆ් ගේ ඇතුලේ .. හදිස්සියක්ද

ඔව් පොඩි හදිස්සියක් .. අපිට ගෙදරට ආවොත් මිසිස් ගුණසේකරව මුණ ගැහෙන්න පුළුවන් වෙයිද

පුලුවන් ඉන්ස්පෙක්ටර් ..

හරි අපි එන්නම්

සුළු වෙලාවකින් ඉන්ස්පෙක්ටර් සමර සිංහත්.. කුරුණාගල උගස් බඩු ගන්නා ආයතනයක හිමිකරුවෙකුත් නිර්මලාගේ නිවසට පැමිණියහ..

නිර්මලා හමු වූ සමරසිංහ මහතා සුදු රෙදි කැබැල්ලක ඔතන ලද රත්තරන් මාලයක් පෙන්වීය

මිසිස් ගුණසේකර මේ මාලේ අදුරනවද

මේ අපේ පොඩ්ඩෛගේ මාලේ මහත්තයෝ..මමමයි හදවල දුන්නේ

හ්ම්ම් සඳලි අන්ත්‍රා වෙච්ච දවසෙ මේ මාලේ ගුණපාල බාසුන්නැහෙ මේ හනීෆා මුදලාලිගෙ පෝනින්ග් සෙන්ටර් එකේ උගස් තියල තියෙනවා. පස්සෙ මේ සිද්දි ආරංචි වෙලා එයාට ප්‍රෂ්නයක් වෙයි කියලා හනීෆා මහත්තය මේ මාලේ පොලීසියට ඉදිරිපත් කලා

මතු සම්බන්ධයි

ප.ලි.ල

කථාව ලියන්න පටන් ගත්තට පස්සේ තමයි තේරුණේ මේක ලියන්න නීතිය ගැන තරමක අවබෝධයක් ඕනේ කියලා.. අපේ අස්වැන්න ලියන දයාරත්න අය්යටයි ක්සැන්ඩරයගේ කොලම ක්සැන්ඩර් අය්යටයි පිං සිද්ද වෙන්න ඒ කරුණු හම්බ උනා.. දෙන්නටම හුගාක් ස්තුතියි

දෙවනි කාරනේ හිතුවට වඩා කථාව ටිකක් දිග උනා.. ඉතුරු ටිකත් ඉක්මනින්ම ලියල ඉවර කරන්නම්... දන්නව දැන්නම් කට්ටියටම එපා වෙලා ඇත්තෙ කියලා .. සොරි හොදේ

බොහොම පිං ආයුබෝං මීගොඩයගෙ අහ ගොඩවැදුනට,,, මතක හිටින්න මොනා හරි කොටලම හියානං තමා හොඳ,,, නැතත් අපනාපයක් නෑ ඕං