බුදු පුතුණේ

වාරුව ගිලිහුන දෙපතුල් පිරි මැද

පිරිත් කියන මා පුතනුවනේ

දෑත් එකතුකර දෙපා වන්දින්නට

පින්කර නෑ මා පුතනුවනේ

මහමායවගෙ නෙත් කඳුලැල් දැක

සිල් සිත සසලද පුතනුවනේ

සිල්වත් දෙපයට ගිහිගේ අකපයි

සසුනට වැඩපන් බුදු පුතුනේ

මේ දිවි සැරියේ නිම්තෙර දකිනට

පෙරුම් පුරා උපදින වාරේ

ලණු ඇඳ මත හිඳ විවරණ දෙන්නම්

බුදුවේවා නුබ බුදු පුතුනේ

****************************

හතර වරිගයක් එතරකරන්ට

සංසාරේ මතු යම් දවසේ

බුදුවන දා මම සුදොවුන් වෙන්නම්

බණපදයක් කියපන් පුතුනේ

සඟවා ලෝකය පෙන්නා රජ සැප

කිසිදින නෑ නුබ වලකන්නේ

ළයමත හොවලා අවසර දෙන්නම්

ගිහිගෙය හැර නුබ යන දවසේ

නුබගේ පාමුල නිවන් දකින්නට
පෙරුම්පුරමි මම පුතනුවනේ !!!