දෙගුරුන් සමග කතාබහ ( රස කතා )

අදනම් පට්ට චා දවසක්. බටර් උල්පතක් සෙට් උනා ලෙසටම. ඉතින් සික් ලිව් එකක් දාලා ඇවිත් පරණ බැනියමකට බටර් පම්ප් කර කර ඉන්දෙද්දී හිතුනා බ්ලොගේ අකුරක් දෙකක් කොටන්න කියලා..

මීගොඩයට තියන ලොකු දෝශාරෝපනයක් තමා වැඩිපුර කවි ලියනවා, කතන්දර ලියන්නේ අඩුවෙන්ය කියන එක .. කතාවට ඉතින් අලුතින් පද ගලපන්න දෙයක් නෑ එකෙන්ම ඇත්ත ..අඬවැඩියාව වැඩිපුරම දාන්නේ ඉතින් සිරාගේ කාමරේ සිරා කොළුවා... අනේ සිරෝ බොහොම අමාරුවෙන් පද හතරක් ගැලපුවට ඔය දිගට දිගේ පෝස්ට් කෑලි ලියන්න හෙන අමාරුයි බං.. මට කම්මලි කම කියල හෙන භයානක අසනීපෙකුත් තියන එකේ ඕක පට්ට අමාරු වැඩක..ඒත් ඉතින් එහෙමයි කියල බෑ.. හිට් කොමෙන්ට් ගන්න නම් ඉතින් කථාවක් දෙකක් ලියන්නම වෙනවා .. පුහ් අපි නම් හිට් කොමෙන්ට් බලාගෙන ලියන්නෙ නෑ කිව්වට පට පට ගාලා හිට් කැරකෙද්දි.. සට සට ගාල කොමෙන්ට් වැටෙද්දි උණ්ඩුක පුච්ච ඇකිලිලා..මහබඩවැල කැලැත්තිලා... මහා ප්‍රාචීර මෙව්ව එක මෙව්ව වෙලා ගිහින්.මාරම කික් එකක් එනවා ..

හෑ මොනවද මේ ලියල තියෙන්න .. වැල් වටාරන් ඔනෙ නෑ.. අද බ්ලොග් කියවන හුදී ජනයාගේ ලාම්පු දුක උදෙසා මම දෙන්න යන්නෙ කථා ටිකක්.. දරුවන් හා දෙමවුපියන් අතර ඇති වූ දෙබස් ..

ඔන්න මේ සිද්දිය උනේ මගේ යාළුවෙක්ගේ අය්ය කෙනෙකුට ... මේකා බොහොම නිවිච්ච කොළු ගැටය.. කොච්චර නිවිලද කියනවනම් ශරීර උෂ්නත්වයත් සෘණ අගයක පවතින්නේ.. මේ හාදය උසස් පෙල අහවර වෙච්ච දවසේ යාළුවො ගැන්සියත් එක්ක සැට් වෙන්න ගිහින් තියෙනවා.. අනේ ඔය කොයි දීපන්කරේ ගියත් මූ නෙවෙයි උගේ සීලේ බිඳගත්තේ .. යාළුවෝ යාළුවන්ගේ ෆන් එක ගද්දි අපේ අය්ය හාදය තමන්ගේ සීලේ රැකෙන විදියට තමන්ගේ ෆන් එක ගත්ත

බූරුව ගැහුවත් එකයි බූරු ගහන තැන හිටියත් එකයි කියල කථාවක් තියනවානේ.. ඉතින් මේ අය්ය හාදයා යාලුවො එක්ක සෙට් වෙලා බොනවා කියන ආරංචිය බොහොම ඉක්මනින් පලාතේ කඩ හිමියෙක් වෙච්ච කොළුවගේ තාත්තගේ කනට ආව..තාත්තා  මේක අහල කලබල උනාද පිං වතුනි ( මේ වචන කොපි කලා කියලා මාරය මට නඩු දාන්නයෑ ) නෑ.... තාත්තත් පුතාවගේ බොහොම නිවිච්ච ගරු කටයුතු.දුර දිග හිතන මනුස්සය වෙච්චි .. ටිකක් කල්පනා කලා. එහෙම කල්පනා කොරලා හවස් අතේ හීනි ෂොට් එකක් එහෙම දාගෙන ඇවිත් ( අනේ කඩේ මාමා ඉඬල හිටලා චුට්ටක් බොනවා.. කාටවත් කරදරයක් නෑ ඕන් ) නිදාගෙන පහුවදා උදේ කොළුවට කථා කරනව කියල හිතලා නිදා ගත්තා

පසුදා උදේ මෑණියන්දෑ  කුස්සියේ උයන අතර  ( ඇත්තටම මේ දෙබස් මට කිව්වෙ කඩේ ඇන්ටි )

මුදලාලි මාමා : පුතේ උබ දැන් විභාගෙත් ඉවර කරපු ලොකු ඉලන්දාරියෙක්. උබට දැන් හොඳ නරක තේරෙනවා,, උබේ වයසෙ කොල්ලෙක්  බියර් එකක් බොනවා කියන්නේ  වැරද්දක් නෙවෙයි.. උබට බොන්න ඔනේ නම් යාලුවො එක්ක එහෙ මෙහෙ යන්නෙ නැතුව බියර් දෙක තුනක් ගෙනැල්ල් ගෙදර තියාගෙන බිව්වට වරදක් නෑ

අපේ අය්යා හාදයා : අනේ මේ ඔයා හදන්නේ මගේ පහනෙන් එළිය බලන්න .. මම ඔය ජහ ජරාව බොන්නේ නෑ.. කල් කදුරු වගේ තිත්තයි කොහොම බොනවද මන්දා 

ඔන්න ඔහොමයි කඩේ මාමා තමන්ගේ පුතාට දැනමුතුකම් දුන්නේ                                        *   *   *   *    *

මේ කථාව උනේ මීගොඩයා රස්සාව කරද්දි.. විගණන ආයතන ඔය සිංහලෙන් ඔඩිට් ෆර්ම් කියන්නේ අන්න ඒකේ වැඩ කරන කාලේ මට හරිම අපූරු යාළුවෙක් හම්බ උනා . අදටත් මගේ ටොප් ෆ්‍රෙන්ඩ් ලිස්ට් එකේ ඉන්නවා..උන්ගෙ ගෙදර අම්මයි තාත්තයි බුවයි මල්ලියි තමයි ඉන්නේ.. බුවාගේ අම්ම මූට වඩා අවුරුදු 20ක් විතර තමා වඩිමල්.. හරිම සමගියෙන් සතුටින් ජීවත් වෙන පවුලක්.. අම්මයි තාත්තයි මුන් දෙන්නට යාළුවො දෙන්නෙක් වගේ..

මම මුළින්ම උන්ගෙ ගෙදර රැයක් හිටිය දවසේ මගේ හිතට දැන්න්න සරල සිද්දියක් මතක් උනා කථාවට අදාල නැතත් කියල ඉන්නම්කෝ

එදා උදේ මුන්ගේ මල්ලි පන්ති යන්න කියල නාගෙන එහෙම ඇවිත් තුවායත් ඇඳගෙන කොණ්ඩේ ජෙල් කරනවා... දන්නවනේ අර දෙපැත්තෙ කොණ්ඩේ එකතු කරල ඉස් මුදුනට ගොඩ ගහන ස්ටයිල් එක තමා දාන්න යන්නේ... ඔය අතරේ අම්මා තේ තුනකුත් අරන් ඇවිත් කණ්නාඩි මේසේ උඩින් තියලා පොඩි කොලුවගේ කොණ්ඩේ අල්ලලා අහනවා "මොකෝ බන් උඹේ ඔළුවේ ඩයිනෝසරයෙක්ගේ වගේ කටු කටු කියලා... "

පොඩි එකත් "ඔයා මොකටද කොල්ලන්ගෙ කාමර අස්සේ රින්ගන්න එන්නේ දුවනවා එළියට" කියල ඌ ඇඳන් ඉන්න තුවාය කැඩුවා...

උන්ගේ අම්මත් හිනාවෙවී "අනේ උඹගේ ඕක දැක්කට මම බයවෙයි.. ඕකට ගම්බිරිස් පිම්බෙත් මමනෙ බොල" කියාගෙන කාමරෙන් එළියට ගියා..

( ඒ ඇඩ් එකක් ඈ එච්චරට විනෝදයි පවුලේ උන් සෙට් උනහම )

ඉතින් කාලය ඔහොම ආස්සරය කරද්දි මමත් ඒ ගෙදර එකෙක් ගානට ගෙදර අයට සමීප උනා...

උන්ගෙ මල්ලිත් ජොබකට යන්න පටන් ගත්ත .. ගෙදර තුන්දෙනාම දැන් ජොබ්...

සෙනසුරාදා දවසක් මමයි මගේ යාළුවයි දෙන්නම ඩ්‍රින්ක් එකක් එහෙම දාලා උන්ගෙ ගෙදර ගියා .. ( ඉස්සෙල්ලාම බීලා ගියාමයි ).. ටිකකින් මල්ලිත් ආවා ඌ ඇවිදින්නෙත් නිකන් හරහට වගේ... මම බාත් රූම් එකට ගිහින් එනකොට ත්‍රීවීල් එකකින් ඇවිත් තාත්ත බැස්ස .. තාත්තත් රුහිත ආසියා වගේ ඇදවෙලා.. සද්ද බද්ද නෑ ..අපි හෙමින් සීරුවේ දොය්ය බබා කිව්වා..

පහුවදා ඉරිදනේ .. දෙය්යනේ කියලා නැගිටලා.. දත කට මැදගෙන ( ඇඟිල්ලෙන් ) මූණ හෝදගෙන එද්දි අම්ම කථා කලා උදේට කන්න ... කට්ටියම කුස්සියෙ තියෙන පුන්චි කෑම මේසේ වට වෙලා... මමත් ඉතින් හෙමීහිට වාඩි උනා...

තාත්තට කෑම බෙදනගමන් අම්ම කියනවා... "ඉස්සරමම එක බේබද්දෙක් එනකන් නිදිමරාගෙන බලන් හිටියා... දැන් බේබද්දො තුන්දෙනෙක් එනකන් බලාගෙන ඉන්න වෙලා" ( මම එතන නෑ මාර ආතල් )

මේක අහගෙන හිටපු අරූගේ මල්ලි කියපි.." ඒ මදිවට බීල එද්දි වට පිට ඉන්න බේබද්දොත් ගෙදර එක්කගෙන එනවා.. "

ශික් අරූගේ අවලන් කට .. කලිදා රෑ බීපුව කකුල්දෙක පල්ලෙ බේරෙනවා වගේ දැනුනා

ඒත් අම්මා හිනාවෙලා කිව්ව..  අය්යලා දැන් අවුරුදු තුන හතරක් රස්සාව කරනවා.. උඹ ඇටෙන් පොත්තෙන් එළියට ආවා විතරයි.. පඬි කථා කොකිය කට වහගෙන කාපිය කියලා

මම අරූට :P කලා

                                   *   *   *   *    *

අපේ බාප්පගේ කොළුව ඉන්නව නේ.. ඉන්නව නේන්නම් හිටියට වඩා හොඳයි ඌ නොහිටියනම්.. උගේ ඇඟ පුරා මොලේ.. මොහොකට හරි කථා කලොත් මගෙන් කුණු හරුප දෙකක් අහගෙන තමයි පැත්තකට වෙන්නේ...

හැබයි ඉතින්.. ඔය ඉලෙක්ට්‍රික් වැඩ වගේම දෑතේ කොයි වැඩේටත් හරිම දස්සයා.. ඉගෙන ගන්න උනත් සූරයා.. කොච්චර ඉගෙන ගත්තත් වැඩක් නෑ උපන් ගෙයි මෝඩ ගතිය තියනවාමයි..

කොහොමින් කොහොම හරි ඉතින් මුන්ගේ ගේ හදද්දි වයරින් එක කලේ මූ.. අවූරුදු 20ක පොඩි එකා උනාට ඒ අතින්නම් සිරාම වැඩ්ඩ.. කොහොම හරි ඔය වයරින් වැඩ කරද්දි අපේ බාප්පයි මූයි පැටළුනා.. බාප්පා එකක් කියනවා .. මූ එකක් කියනවා.. මට ඔව්ව තේරෙන්නේ නෑ.. මොනව උනත් දෙන්න ගේම ඉල්ලගන්න විදියේ අමුතු ගතියක් තිබ්බ හින්දා මමත් කණ දාගෙන හිටියා..

මලය කියනවා.. " මේ ඔයා තාත්තේ දන්නේ නැති මගුල් වලට කට නොදා ගිහින් ඔයාගේ වැඩක් බලාගන්න.. මට මේක කරගන්න පුළුවන්.." කියලා

තාත්ත වෙච්ච අපේ බාප්පා මේ ඇච්ච කොල්ලෙක්ට සෙකන්ඩ් උනාද පින් වතුනී.. නෑ එහෙම උනේ නෑ ..

හැරෙන තැපෑලෙන්ම බාප්පත් කියපි.. "යකෝ ඔය විදියට කථා කරන්න එපා... අපි උඹලව හැදුවේ රෑ තිස්සෙ නිදිමරාගෙන ඇඟේ වස්තරේ නැතුව .. ඒ හින්දා ටිකක් ගරු සරු ඇතිව කථා කරපන් කියලා ".

පේනවනේ දරුවෙක් හදන්න කොච්චාර දේ කැප කරන්න වෙනවද කියලා