නුඹමයි අනු රූ.. ලොව්තුරු ප්‍රේමයේ

රුහිරු උරුමයෙන් පුද ලද ජීවයේ 
නිහඬ පිළිරුවයි අමිලවු ස්නේහයේ 
නිති නෙත මා රුව දැවටුණු හීනයේ 
නුඹමයි අනු රූ.. ලොව්තුරු ප්‍රේමයේ 

ඉර මද්දහනේ කර්කෂ මහ පොළොවේ 
කාසියකට රන් ඩා බිඳු විකිණූයේ 
ඒ රන් ඩා බිඳු සුවඳිනි දිවි ගමනේ 
හිනැහී හිනැහී ණැනමල් පොඩි පිපුනේ 

වියරුව සපැමිනි කුනාටු මාරුතයේ 
ඔද බල බිඳ දැමු කැණිමඩලයි නිවයේ 
සසරින් සසරට මේ ජීවන ගමනේ 
පිය සෙනෙහසමයි සුවඳ දිදී දැනුනේ 

සති කිහිපයකට කලින් අම්ම ගැන  කවිය ලියපු වෙලාවේ කිහිප දෙනෙක් කරපු ඉල්ලීමක් තමයි තාත්තටත් කවියක් ලියන්න කියලා.. ඔන්න ඒ ඉල්ලීම තමයි අද ඉෂ්ඨ කළේ..අම්මා ගැන ලියපු කවිය නොකියවපු කට්ටිය  මෙතැන ක්ලික් කරන්න